৩১ জানুৱাৰীত প্ৰাক্তন প্ৰাগজ্যোতিষীয় সন্মিলনৰ ‘দান-বৰঙনি সংগ্ৰহ দিৱস’

৩১ জানুৱাৰীত প্ৰাক্তন প্ৰাগজ্যোতিষীয় সন্মিলনৰ ‘দান-বৰঙনি সংগ্ৰহ দিৱস’

গুৱাহাটী¸ ২৯ জানুৱাৰীঃ প্ৰাগজ্যোতিষ মহাবিদ্যালয়ৰ সৰ্বাংগীন উন্নয়নৰ বাবে অহা ৩১ জানুৱাৰীত ‘দান-বৰঙনি সংগ্ৰহ দিৱস’ পালন কৰিব প্ৰাক্তন প্ৰাগজ্যোতিষীয় সন্মিলনে। যোৱা ২৪ জানুৱাৰীত মহাবিদ্যালয় প্ৰাঙ্গণত প্ৰাক্তন ছাত্ৰ সন্মিলনৰ উদ্যোগত মহাবিদ্যালয়ৰ বিভিন্ন বিভাগৰ ছাত্ৰ আৰু কৰ্মৰত প্ৰাক্তন ছাত্ৰ-ছাত্ৰীৰ মাজত অনুষ্ঠিত এখন গুৰুত্বপূৰ্ণ সভা সভাত এই সিদ্ধান্ত লোৱা হয়। সভাত অহা ৮ ফেব্ৰুৱাৰীত "নেক"ৰ পৰ্যবেক্ষণ প্ৰতিনিধি প্ৰাগজ্যোতিষ মহাবিদ্যালয়লৈ অহাৰ বিষয়টোৰ প্ৰতি লক্ষ্য ৰাখি আয়োজিত সভাখনৰ সিন্ধান্তমৰ্মে মহাবিদ্যালয়ৰ সৰ্বাঙ্গীন উন্নয়নৰ বাবে ‘দান-বৰঙনি সংগ্ৰহ দিৱস’ পালন কৰা হ’ব। ‘দান-বৰঙনি সংগ্ৰহ দিৱস’ত প্ৰাক্তন ছাত্ৰ-ছাত্ৰী সকলে নগদ ধন বা মহাবিদ্যালয়ত বৰ্তমান অধ্যয়ন কৰি থকা ছাত্ৰ-ছাত্ৰীসকলৰ উন্নয়নৰ বাবে সাধ্য অনুযায়ী ভাল লগা বস্তু  দান বৰঙনি হিচাপে প্ৰাক্তন প্ৰাগজ্যোতিষীয় সন্মিলনৰ কাৰ্য্যলয়ত দিব পাৰিব। বৰঙণিৰ বাবদ নগদ ধনসমূহ প্ৰাক্তন ছাত্ৰ সন্মিলনৰ নামত ভৰলুমুখত United Bank OF Indiaৰ ভৰলুমুখ শাখাত থকা 060401080450 নম্বৰ একাউণ্ট (IFSC: UIBI0 BHK394)ত জমা দিব পাৰিব৷ আনহাতে¸ সংগ্ৰহ হোৱা সকলো সামগ্ৰী মহাবিদ্যালয়ৰ অধ্যক্ষৰ হাতত জমা দিয়া হব৷ সভাৰ আন এটি প্ৰস্তাৱমৰ্মে মহাবিদ্যালয়ত গঠন হোৱা বিভিন্ন বিভাগৰ ছাত্ৰ-ছাত্ৰী গোটৰ পৰা দুগৰাকীকৈ প্ৰতিনিধি মুল সমিতিত অন্তভুৰ্ক্ত কৰা হ’ব। সভাই মহাবিদ্যালয়ৰ চৌহদ চাফ-চিকুন কৰাৰ বাবে পিছফালৰ দেৱালসমূহত মহৎলোকৰ বাণী¸ ফটো অংকণ কৰি সৌন্দৰ্য বৰ্দ্ধনৰ ব্যৱস্থা কৰাৰো প্ৰস্তাৱ গ্ৰহণ কৰে৷ ইয়াৰ দায়িত্ব সন্মিলনৰ উপদেষ্টা অপূৰ্ব দাস¸ হিল্লৱী দেৱী আৰু জ্যোতিৰ্ময় ভূঞাক অৰ্পণ কৰা হৈছে।সভাই প্ৰাক্তন প্ৰাগজ্যোতিষীয় সন্মিলনৰ ফালৰ পৰা এখন ‘দেৱাল  আলোচনী’ প্ৰকাশৰ সিন্ধান্ত গ্ৰহণ কৰি সন্মিলনৰ উপ-সভাপতি জগদীশ দাস , অপূৰ্ব দাস, দেইজীৰাণী দেৱী¸ ধীৰাজ ডেকা¸ মালবিকা শৰ্মা আৰু চন্দন দাসক ইয়াৰ দায়িত্ব অৰ্পণ কৰে ৷ সন্মিলনে শিক্ষক বৃত্তিত জড়িত মহাবিদ্যালয়ৰ প্ৰাক্তন ছাত্ৰ-ছাত্ৰীসকলক নিজ মহাবিদ্যালয় বা ওচৰতে থকা শিক্ষানুষ্ঠানত বিনামূলীয়া শিক্ষা প্ৰদান কৰা আৰু অভিজ্ঞ প্ৰাক্তন ছাত্ৰ-ছাত্ৰী সকলৰ জৰিয়তে বৰ্তমানৰ ছাত্ৰ-ছাত্ৰী সকলক উদগনিমূলক পাঠদান কৰাবলৈ অনুৰোধ জনোৱাৰো সিন্ধান্ত গ্ৰহণ কৰে৷ সভাই লগতে "নেকৰ" প্ৰতিনিধি দলৰ পৰিদৰ্শনৰ সময়ত যাৱতীয় কাম-কাজ পৰিচলনা কৰিবলৈ মহাবিদ্যালয়ৰ প্ৰাক্তন ছাত্ৰ তথা অধ্যাপক প্ৰদীপ কলিতা আৰু সীমা কৌৰক সমন্বয়ক হিচাপে লৈ এখন ১০ জনীয়া সমিতিও গঠন কৰি দিয়ে। এইক্ষেত্ৰত মহাবিদ্যালয়খনৰ প্ৰাক্তন ছাত্ৰ-ছাত্ৰীসকলক সন্মিলনৰ লগত যোগাযোগ কৰিবলৈ সভাপতি দেৱান ধ্ৰুৱজ্যোতি মৰলে অনুৰোধ জনাইছে। সন্দৰ্ভত সবিশেষ তথ্যৰ বাবে প্ৰাক্তন ছাত্ৰ ছাত্ৰীসকলে 98540 22841 মনোজ দাস কণক তালুকদাৰ সাধাৰণ সম্পাদক 8011177695 নম্বৰত যোগাযোগ কৰিব পাৰিব। Attachments area ReplyForward