কুকুৰমাৰা বন বিভাগৰ অভিযান
গৰৈমাৰী লাৰুৱাজানত চোৰাং কাঠ জব্দ
নিউজ ডেস্ক ৰিপোৰ্ট জনসেৱা লাইভ : পশ্চিম কামৰূপ বন সংমণ্ডলৰ অন্তৰ্গত গৰৈমাৰীৰ লাৰুৱাজানত যোৱা নিশা বন বিভাগে অভিযান চলাই বৃহৎ পৰিমাণৰ ফলাকাঠ জব্দ কৰিবলৈ সক্ষম হয় । ঘটনাৰ বিৱৰণীত জানিব পৰা মতে, পশ্চিম কামৰূপ বন সংমণ্ডলৰ বন প্ৰাধিকাৰী বিষয়া ৰঞ্জন গোস্বামীৰ নিৰ্দেশ মৰ্মে কুকুৰমাৰা খণ্ড বন বিষয়া সঞ্জয় কুমাৰ নাথৰ নেতৃত্বত বন বিভাগৰ বিষয়া কৰ্মচাৰীয়ে যোৱা নিশা প্ৰায় ১২ বজাৰ পৰা পুৱতি নিশালৈ গৰৈমাৰীৰ লাৰুৱাজানত অভিযান চলাই প্ৰায় ৭০ কেবি চেগুন আৰু মাকৰি শাল জব্দ কৰিবলৈ সক্ষম হয় । জব্দকৃত ফলা কাঠখিনিৰ মূল্য প্ৰায় ৮০ হেজাৰ টকা হব বুলি জানিব পৰা গৈছে । উল্লেখ্য যে কুকুৰমাৰা খণ্ড বন বিষয়া সঞ্জয় কুমাৰ নাথৰ বিশেষ খবৰৰ ভিত্তি উক্ত অঞ্চলত অভিযান চলাই ফলা কাঠ খিনি জব্দ কৰিবলৈ সক্ষম হয় । জব্দ কৰা কাঠ খিনি কুকুৰমাৰা খণ্ড বন বিষয়া কাৰ্যালয়লৈ লৈ যোৱা বুলি জানিব পৰা গৈছে ।
জনসেৱা’ চৰকাৰী পঞ্জীয়নভুক্ত এক বে-চৰকাৰী সংস্থা। পঞ্জীয়ন নং- KAM (R) /264/C/29 of 2014-2015। দক্ষিণ কামৰূপৰ ছয়গাঁৱক মুখ্য কাৰ্যালয় হিচাপে লৈ ৰাজ্যখনৰ বিভিন্ন ঠাইত বিভিন্ন ধৰণৰ কাৰ্যসূচী ৰূপায়ন কৰি থকা হৈছে।