খহনীয়া আৰু সাপৰটাৰীৰ খেতি পথাৰ পৰিদৰ্শন জিলা উপায়ুক্তৰ
ছয়গাঁও : দক্ষিণ কামৰূপৰ ছয়গাঁৱৰ সাপটাৰীৰ কলহী পাৰত গ্ৰামীণ চাহাৰাই ৰূপায়ণ কৰা সৌৰশক্তি চালিত জলসিঞ্চন প্ৰকল্পটো আজি পুৱাৰ ভাগতে কামৰূপ জিলাৰ উপায়ুক্ত কৈলাশ কাৰ্তিকে পৰিদৰ্শন কৰে ৷ উক্ত প্ৰকল্পটোৰ অধীনত সাপৰটাৰী -শিমলুবাৰীৰ বহু শিক্ষিত যুৱক-কৃষকে ইতিমধ্যে সৰিয়হ ,কবি,লাও,বেঙেনাকে ধৰি কেইবাবিঘা মাটি সামৰি কৃষি কাৰ্য আৰম্ভ কৰিছে ৷ উপায়ুক্ত গৰাকীয়ে কলহীত আৰম্ভ হোৱা প্ৰৱল গৰাখহনীয়াও পৰিদৰ্শন কৰি অতি শীঘ্ৰে যাৱতীয় ব্যৱস্থা লোৱাৰ প্ৰতিশ্ৰুতি দিয়ে ৷ উপস্থিত ৰাইজে কলহীৰ উক্ত অঞ্চলটোত চলি থকা অবৈধ বালি খননৰ বিষয়টোও অৱগত কৰে ৷ তদুপৰি সাপৰটাৰী-শিমলুবাৰী সংযোগী বাহঁৰ দলংখনো সংশ্লিষ্ট বিভাগৰ স’তে যোগাযোগ কৰি তৎকালে ব্যৱস্থা লোৱাৰ কথা উপস্থিত ৰাইজক অৱগত কৰে ৷তাৰ পিছত উপায়ুক্ত গৰাকীয়ে পাৰঘাটৰ কলহী-কুলচী নদীৰ সংগমস্থলী পৰিদৰ্শন কৰি দুষ্প্ৰাপ্য শিহুৰ সংৰক্ষণৰ দিশটোত ও গুৰুত্ব আৰোপ কৰে ৷ গ্ৰামীন চাহাৰাই লোৱা এই সেউজ বিপ্লৱক উপায়ুক্ত গৰাকীয়ে ভূয়সী প্ৰংশসা কৰে ৷পৰিদৰ্শন কালত উপায়ুক্ত গৰাকীক গ্ৰামীন চাহাৰাৰ সচিব শৰৎ চন্দ্ৰ দাস ,সাংবাদিক পংকজ কলিতা ,পথাৰ পৰিচালনা সমিতিৰ বিষয়ববীয়া আদি উপস্থিত থাকে
জনসেৱা’ চৰকাৰী পঞ্জীয়নভুক্ত এক বে-চৰকাৰী সংস্থা। পঞ্জীয়ন নং- KAM (R) /264/C/29 of 2014-2015। দক্ষিণ কামৰূপৰ ছয়গাঁৱক মুখ্য কাৰ্যালয় হিচাপে লৈ ৰাজ্যখনৰ বিভিন্ন ঠাইত বিভিন্ন ধৰণৰ কাৰ্যসূচী ৰূপায়ন কৰি থকা হৈছে।