বামুণীগাঁও ইউকো বেংকৰ কৰ্মচাৰীৰ মহিলা গ্ৰাহকক দুৰ্ব্যৱহাৰ

নিউজ ডেস্ক জনসেৱা লাইভ : বামুণীগাঁও ইউকো বেংকৰ কৰ্মচাৰীৰ মহিলা গ্ৰাহকক দুৰ্ব্যৱহাৰ ৷ গ্ৰাহকৰ একাউণ্ট বহী ফালিলে কৰ্মচাৰীয়ে ৷ একাউণ্ট বহী আপটুডেট কৰিবলৈ দিয়াত মহিলা গ্ৰাহক গৰাকীক ধমকি দিয়াৰ লগতে একাউণ্ট বহীটো আপটুডেট কৰি দিয়াৰ সলনি ফালি দলিয়াই ৷ এই কথাত ভীষণ ক্ষুণ্ণ হৈ পৰা মহিলা গৰাকীয়ে বেংকৰ মেনেজাৰৰ ওচৰলৈ গৈ কৰ্মচাৰী গৰাকীৰ বিৰুদ্ধে অভিযোগ দিয়াত মেনেজাৰ গৰাকীয়ে মহিলা গ্ৰাহক গৰাকীৰ অভিযোগ শুনাৰ পৰিবৰ্তে মহিলা গৰাকীক ওলোটাই ধমকিহে দিয়ে ৷ জুৰি দাস নামৰ মহিলা গৰাকীক বামুণীগাঁও ইউকো বেংকত দুৰ্ব্যৱহাৰ কৰাৰ লগতে একাউণ্ট বহী ফালি পেলোৱাৰ কথা প্ৰচাৰ হোৱাত বেংকৰ চৌহদত বহু সংখ্যক লোকৰ লগতে দুজনমান সাংবাদিকো উপস্থিত হয় ৷ ঘটনাৰ বিষয়ে জানিবলৈ যোৱা সাংবাদিককো বেংক কৰ্তৃপক্ষই দুৰ্ব্যৱহাৰহে কৰে বুলিও অভিযোগ উত্থাপিত হৈছে। এতিয়া মহিলা গৰাকীয়ে এক ন্যায় বিচাৰিছে ৷ কিন্ত একাংশ বেংকৰ কৰ্মচাৰীৰ গ্ৰাহকক দুৰ্ব্যৱহাৰ কৰা পুৰণি অভিযোগৰ সন্দৰ্ভত কোনো সুফল নোপোৱা গ্ৰাহক ৰাইজে শুকুকবাৰৰ এই ঘটনাৰো যে একো ন্যায় নাপাই সেইটো নিশ্চিত ৷