বিধায়ক শ্বেৰমান আলীৰ বিৰুদ্ধে তীব্ৰ প্ৰতিক্ৰিয়া প্ৰকাশ বিধায়ক পদ্ম হাজৰ...

জনসেৱা লাইভ প্ৰতিবেদক, জামুগুৰীহাট : সোমবাৰে জামুগুৰিহাটৰ পৰিদৰ্শন বাংলাত এক সংবাদমেল যোগে বিধান সভাৰ বিভাগীয় সংসদীয়  কমিটিত বিধায়ক গৰাকী উপস্থিত থকা বুলি একাংশ ৰাজনৈতিক ব্যক্তিয়ে মন্তব্য কৰা বিষয়কলৈ প্ৰতিক্ৰিয়া প্ৰকাশ কৰে ৷ তালিকাত পদ্ম হাজৰিকাৰ নামটোক লৈ সৃষ্টি হোৱা  বিতৰ্কক লৈ নিজৰ স্থিতি স্পষ্ট কৰে বিধায়ক পদ্ম হাজৰিকাই ৷  বিধায়ক গৰাকীৰ মন্তব্য -মোৰ নাম তালিকাত আছে যদিও মই কোনো মিটিংত উপস্থিত নাই আৰু শংকৰদেৱ কলাক্ষেত্ৰত মিঞাঁ সংগ্ৰাহলয় স্থাপনৰ প্ৰস্তাৱো দিয়া নাই ৷ মই উপস্থিত নথকাকৈয়ে মোৰ নামটো  একাংশ সংবাদ প্ৰকাশ কৰি থকাটোত মই আশ্চৰ্য্য প্ৰকাশ কৰিছো ৷ মই থকা কোনো সভাত মিঞাঁ সংগ্ৰাহলয়ৰ প্ৰস্তাৱ লবলৈ নিদিলোহেতেঁন ৷ বিধায়ক গৰাকীয়ে কয় - শ্বেৰমান আলীহঁতে আমাৰ বৰঘৰত হাত দিয়াৰ সাহস গোটাইছে ৷ খিলঞ্জীয়াৰ অস্তিত্ব বিঘ্নিত হব পৰা কোনো কাৰ্য আমি এইখন অসমত হবলৈ নিদিওঁ ৷ অসমৰ সকলো দল সংগঠন এনে কাৰ্য্যৰ বিৰুদ্ধে ওলায় নাহিলে অসমৰ অস্তিত্ব বিপন্ন হোৱাটো নিশ্চিত বুলিও মন্তব্য কৰে বিধায়ক পদ্ম হাজৰিকাই ৷ অজিত ভূঞাঁৰ দৰে এজন সাংসদে  বদৰুউদ্দিনৰ দৰে মানুহক মুখ্যমন্ত্ৰী হোৱাত আপত্তি নাই বুলি কোৱা বিষয়টোত মই এজন ভাল অসমীয়া হিচাপে লজ্জা অনুভৱ কৰিছো বুলিও বিধায়ক হাজৰিকাই মন্তব্য কৰে।